Saturday, May 10, 2008

حدوته كل يوم


المعذره

لانى خرجت عن نمط كتابتى فكان فى هذا الموضوع لابد ان اغير طريقتى ولابد ان اخرج قليلا عن عالمى المحدود الخاص بى وحدى لاخرج الى عالم اوسع ويهمنا جميعا


تيتا هو ليه الكرسى مخلع


علشان مفيش مسامير ياحبيبى


وهو ليه مفيش مسامير


ياه الموضوع كبير بس ببساطه عمو عز غلى تمن الحديد


وليه كده ياتيتا


علشان ميعورش حد ياحبيى انت عارف الحديد وحش ياه فين ايام زمان لما كنا بنطلع المسامير من رغيف العيش


ايه؟ رغيف العيش يعنى ايه ياتيتا


ياه يابنى كنا بنسمع عنه زمان


وكان طعمه حلو؟


لا والله يابنى بس اهه اللى موجود


ابه ده؟ انا كنت فاكره حدوته


لأ ازاى يابنى انا شوفته زمان


طب وهو راح فين والله يابنى ماحنا عارفين كان زمان جده يصحى الفجر ويجهز نفسه لحد ممات شهيد وهو بيحاول يجيبه (الله يرحمه)الله يرحمه


جده بطل ياتيتا


اه والله يابنى البيت فضى من بعده كان ماليه علينا


بيت؟ يعنى ايه ياتيتا شبه الخيم بتاعتنا دى


لا ياحبيبى دى معموله من طوب ورمل وحاجات وحشه كده اللى يفكر فيها يتعب على طول اوعى تجيب سيرتها تانى


حاضر انا جعان ياتيتا


حبيب قلبى وقولتش من اول ليه ثوانى اقوم اجيب الحزام علشان تربط بطنك


ياااااااااه شكرا يا تيتا انت طيبه اوى


عيب ياحبيبى متقولش كده احنا اهل

8 comments:

MKSARAT - SAYED SAAD said...

محمد
موضوعك مختلف بس
مش غلط انت بتعبر عن حالنا
الحق بقى
اشتريك سيخين للشبكه بكل الدهب لأن موضوع الدهب ده هيبقى موضه قديمه
الله يكون في عونا
تحياتي
صاحب المكسرات سيد سعد

سنووايت said...

جاء الزمن اللي الانسان ممكن يتمني فيه الموت قبل ما يشوف اللي جاي
الموضوع رغم انه كوميدي لكنه مؤلم اوي

HANY YASSIN said...

موضوع جميل
يعبر عن حالة تصيب بالام والوجع اكثر من الضحك لكنها الحقيقة للاسف
خالص تحياتى

نتشرف بزيارتكم مدونتى
hanyyassinblog.blogspot.com

(green eyes) said...

جامد موووووووت والله
بس فيه حاجه نسيتها
وهي انك بعد كدا مش هتلاقي حزام اصلا :)

rommantic said...

اليك
MKSARAT SAYED SAAD
اشكرك على المتابعه صديقى العزيز واعتذر انا عن عدم المتلبعه بسبب الامتحانات وربنا يسهل ويعدى الايام دى على خير
سلامى

rommantic said...

نوايت
اهلا بيكى
وخنعمل ايه اهو زمن
سلامى

rommantic said...

HANY YASSIN
ومن قال انى قصدت الضحك تحياتى

rommantic said...

green eyes)
لالالالالالالالالالالالالالا
مش مصدق نفسى انا نادرا لما بشوفك عندى نورتى