Saturday, September 20, 2008

صرخه


صرخه

وانين مليان الم

وده فى زمن

باع اللى باع من غير تمن

صرخه وانين على اللى فات

على الذكريات

على حلم كان نفسه يعيش لكنه مات

على ضلمه كنت شايفها نور

على اى حال

قالولى حالك ده دوامه من المحال

والفجربكره هيتولد

ضحكت

يمكن باعلى صوت

هو اللى فات ممكن يعود

فجر ايه اللى اتولد

ده الفجر مات

والظلمه تسعى للخلود


40 comments:

كيارا said...

هو اللى فات ممكن يعود

-----
لا في حالا ممكن يعود فيها
--------

فجر ايه اللى اتولد
ده الفجر مات
والظلمه تسعى للخلود

---------

الفجر كل يوم موجوود
والظلمه عمرها ماهتسود
------

كلمات جميله لكن يتخللها الحزن والياس

اتمني الزياره القادمه ان اجد الامل باب للحياه

mthlykaweyy said...

حبيب قلبى

قلبى حزين عليك

ليه بس زعلان كده

متياسش وافتكر ان ربنا موجود

افتكر رحمه ربنا

شمعه صغيره بتهزم لضلمه

اتمنى انك تكون بخير

ومتياسش

بعيد الشر عليك

تحياتى

goodman said...

لا جميلة فعلا
يس لية بتخلط عامية بفصحى
شغال يا مان

ABOALI said...

ولما الفجر يموت
اسئل نفسك سؤال
انتا عايش ليه
فكر بسرعة
ومن فوق كوبرى الجامعة
عيب يا انسان
الفجر طول عمره موجود
بشهادة رب موجود
بس يمكن الظلمه كؤد
ارفع ايدك لفوق
مش هاقول فجر واحد

تحياتى
لانى لسه فجرك موجود

كيارا said...

كل سنه وانتي طييبه

عيد سعيد

سنووايت said...

ليه كدة
احيانا الصرخة بتكون اعتراض واحيانا بتكون استسلام اتمني انها تكون الاولي
مهما الضلمة طالت لازم هييجي فجر وينور الدنيا
المهم ااننا مش نيأس او نستسلم

كل سنة وانت طيب

rommantic said...

كيارا
اولا مش دايما اللى فات ممكن يعود
ويارب تكونى فاهمه ان الفجر ده استعاره
وشكرا عامه على رئيك
تحياتى

rommantic said...

mthlykaweyy said...
شكرا على رئيك وانا مستنى الشمعغه اغلصغيره دى
واكيد ربنا موجود دى بس فضفضه
تحياتى

rommantic said...

good man
شكرا على رئيك ولكنى اتسائل كيف يمكن ان تخرج صرخه منظمه تذكر انها صرخه
تحياتى

rommantic said...

ABOALI
هههههههههههه
انت دماغك راحت فين
الفجر بتاعى بيختلف عن الفجر اللى الناس عارفاه
فى حاجه اسمها استعاره
تحياتى

rommantic said...

سنوايت
يعتبر انت اكتر واحده فهمتى الموضوع ده وقولتليش ازاى ده الفجر بيطلع كل يوم الصبح
عامه لا اعتقد ان صرختى استسلام
ولكنها لم ترتفع حتى الان لتكون اعتراض
عامه
مودتى وتحياتى

Rania said...

جميله قوى يا رومانتك
صراخ و صراع داخلى
بس الى متاكدة منه انه عمره ما هيكون استسلام

تحياتى
و اعتذر عن التقصير

Eman Eltaher said...

عجبتنى اوى

فجر إيه اللى اتولد
لحد لما الفجر مات

شعرك جميل لكنه موجع

Koll sana wenta tayeb!!

__/''\__¸.¸.•¤**¤•^.,.•¤**¤•^.,.•¤**¤•.,.•¤**¤•^.**
'*•. .•*' ~*♥*~

!! Eid Sa3eeed !! ~*♥*~

/.•*•.\¸..•¤**¤•.^,.•¤**¤•.^.,.•¤**¤•.,.•¤**¤•^.,**

كيارا said...

السلام عليكم

بص يامحمد انا كيارا صاحبه مدونه ايام زمان المختصه بالتاريخ

وكان ده تعليقكك

----------
اوبلا كل سنه وانت طيبه مع انها اتاخرت شويه
ثانيا انا بحى عشقك للتاريخ واتمنى لواستطيع المشاركه معاكى فى مواضيعها اكون عضو معاكى لو تحبى
وعامه اعتقد انك نسيتى مصدر مهم فى كتباتك وهو د\صبحى عطيه يونس مصر الفرعونيه كليه الداب بالمنتصوره
وعامه تحياتى
--------

بجد اتمني انك تكون مشارك معايا

فابجد لو عاوز تكون مساهم معايا ابعتلي اميلك

علي الاميل ده وانا هبعتلك دعوه


blogspo@rocketmail.com

--------

تحياتي

rommantic said...

رانيا
اخيرا جيتى غيابك بيطول على فكره وشكرا على رئيك ده واتمنى ان صرختى متكونش استسلام
تحياتى

rommantic said...

ايمان الطاهر
اهلا بيكى وشكرا على رئيك
ويارب اشوفك دايما هنا فى المدونه

rommantic said...

كيارا
اهلا بيكى
انا بعتلك الرد فى مدونتك وعلى الميل اللى بعتهولى
تحياتى

كيارا said...

انت ليه مش قبلت الدعوووووه ؟؟

rommantic said...

كيارا
انا كل لما اقبل الدعوه يقولى خطأ فى التنفيذ
ومش عارف اقبلها اعمل ايه
سلام

Rania said...

عندى لك واجب تدوينى
http://www.free-writings.blogspot.com

تحياتى

rommantic said...

شكرا يارانيا وان شاء الله
هقبله تحياتى
وعاوز اشوفك كتير

عروسة ننوسة said...

اولا انت بتكتب حلو اوى
البوست بجد جميل
اما بخصوص سؤالك .....اللى عايز ينشر فى كتاب يبعت لمدونة احمد البوهى او ايناس وهما بيختاروا الاعمال وينزلوها فى كتاب الخاص بالمدونين
اما لو بتكتب ساخر فمكن تشاركنى فى كتابة الحلقة الاخيرة زى ما مكتوب عندى فى البوست الاخير فى مدونتى وان شاء الله تنزل معايا فى الكتاب

rommantic said...

عروسه ننوسه
اولا شكرا على رئيك فيا
وثانيا ايدى على كتفك
انا طبعا احب انشر
والله ياريت
تحياتى

شيماء طلعت said...

لن يموت النور يوما
قد نتوه نحن عنه

لكنه باق
صدقنى

سلمت يداك

MKSARAT SAYED SAAD said...

الصديق العزيز محمد
صرخة اعتقد انها اكبر تعبير عن ما تحسة وتشعر به الروح فمن اراد ان يسمع صوت الروح فليسمع صراخة
يمكن ان تكون صرخة الم ويمكن ان تكون صرخة فرح
لكنها في اخر الامر شئ متعب جدا
دائما فنان وصاحب احساس جميل
دمت بكل ود
سيد سعد

momken said...

جميله اوى اوى
تسلم ايدك
كلماتك رائعه واستخدام الاضاد جميل اوى

ملحوظه

عجبنى اوى تكرار كلمه ( ممكن )فى كلامك
اسمى بقى
هههههههه


تحياتى

mohamed said...

السلام عليكم
كلمات جميله وموفقه اجدت التعبير عن حاله يمر بها الجميع
لكن ينهيها الامل والعودة من جديد الى الحياه عسى ان يكون القادم افضل مما فات
تحياتى للكلمات والتعبيرات الجميله
اشوفك بين حروفك
سلام

الحب كما ينبغى أن يكون said...

لا تيأس فإن زمن الحب الحقيقى عائد أدعوك لزيارة مدونتى

rommantic said...

شيماء طلعت
اهلا بيكى وياريت اشوفك دايما
واتمنى يكون كلامك صح
ولاقى النور
تحياتى

rommantic said...

سيد سعد
زعلان منك بجد
بتتاخر
اوى رغم انك عارف انى مهتم برئيك
تحياتى ليك
ويارب اشوفك دايما
تحياتى

rommantic said...

ممكن
شكرا على رئيك اللى اعتز بيه
وبالنسبه للملاحظه ياعم ممكن ده الاسم اللى عرفتك
بيه

تحياتى

rommantic said...

محمد
شكرا لكلامك الرائع ده
ومش دايما اللى جاى
احسن
عامه تحياتى

(green eyes) said...

ليه التشاؤم دا

اللي فات مش ممكن يعود بس اكيد اللي جاي هيكون احسن من اللي فات لو انت عاوزه يكون كدا

وساعتها بس الفجر هيتولد

تحياتي

shreen said...

كلمات دامية
دامعة
ممتلئة بالانين
تهز المشاعر
وتجبر العيون على الامتلاء بالدموع

صرخة وانين
وصلتنى عالية
وتصيب القلب بالالم


صرخه وانين على اللى فات
على الذكريات

حينما تستحيل الذكريات
الى سياط ملتهبة
تجلدك بلا رحمة
تسيل دموعك مع كل ذكرى
تعلم انها اصبحت فى طيات الماضى
ولن تتكرر واقعا مرة اخرى
الا كاداة للعذاب فى مخيلتك


على حلم كان نفسه يعيش لكنه مات
على ضلمه كنت شايفها نور

كم من احلام حلمنا به
كم من ظلمات هرهنا اليها ونحن نعتقدها نورا سوف ينتشلنا من ظلام اشد

فافقنا على واقع مؤلم قاس
ان الحلم لم يكن الا كابوس
وان النور الذى سعينا نحوى لم يكن الا ظلام دامس



والفجربكره هيتولد
ضحكت
يمكن باعلى صوت
هو اللى فات ممكن يعود
فجر ايه اللى اتولد
ده الفجر مات


وماذا يبقى بعد موت الفجر
سوى الظلام
اليأس

لكننا صديقى سنظل نواسى انفسنا بكلامهم

قالولى حالك ده دوامه من المحال


ونحن نعلم انها مجرد كلمات نواسى بها انفسنا

خالص ودى يا محمد

على فكرة ليك عندى تاج
وجاوبت على التاج بتاعك

Anonymous said...

Hola:

Acabo de ver tu blog.

Espero que visites mis blogs, son fotos de mi pueblo, de España y de Italia y Francia:

http://blog.iespana.es/jfmmzorita

http://blog.iespana.es/jfmm1

http://blog.iespana.es/jfmarcelo

donde encontrarás los enlaces de todos los blogs.

UN SALUDO DESDE ESPAÑA.

rommantic said...

الحب كما ينبغى ان يكون
لاتعش فى الاوهام
فنقضى هذا الزمن
تحياتى

rommantic said...

الحب كما ينبغى ان يكون
لاتعش فى الاوهام
فنقضى هذا الزمن
تحياتى

rommantic said...

green eyes)
ده مش تشاؤم ده مجرد تسجيل حال
ومن يدرى شكرا على مرورك الغال
وتحياتى

rommantic said...

شرين
عرفتى بقى انا مكنتش راضى اشيل الموضوع الا بعد تعليقك
لان ده مش تعليق
ده
تحليل
فنى مين غيرك يقدر يعمل كده
وربنا يسهل فى موضوع التاج ده
تحياتى

rommantic said...

jfmarcelo
هههههههههههههههههههههههههههههههه
طيب
كلاك جميل
ايه ده ياعم الحاج اسبانى
ههههههههه
انجليزى ده يامرسى
انت مبتجيش ليه مش تبقى تيجى
ههههههههههههه
ومن غير تحياتى اصلك مش هتفهمها حتى